سر حبي
كلمات الشاعر: حسين ابوبكر المحضار
سر حبي فيك غامض سر حبي ما انكشف
ايش لي خلاني اعشق فيك والعشقه تلف
ايش اوقعني في اشباكك ونا عيني تشوف
لاتعذبني والا سرت وتركت المكلا لك اذا مافيك معروف
فوق شاطئ البحر حيث اللول يوجد والصدف
اللقاء بك كان صدفة لاجزاء الله الصدف
عندما سمحت ظروفك لك وسمحت لي الظروف
لاتعذبني والا سرت وتركت المكلا لك اذا مافيك معروف
واجهتنا خلف بعد العصر والحاسد خلف
والهوى يجري حوالينا يلف الموج لف
والجبل من فوقنا يشهد وتشهد لي الكهوف
لاتعذبني والا سرت وتركت المكلا لك اذا مافيك معروف
كل واحد مننا ماسك في السكه طرف
لا هدف لي فيك يظهر لي ولا لك شي هدف
وانتهى المشوار كله ما تلامسنا الكتوف
لاتعذبني والا سرت وتركت المكلا لك اذا مافيك معروف
بعد ذاك اليوم زاد الحب لي لك والشغف
عنك اسال كل شي حتى شبابيك الخلف
وانت غيبت علي دورت في شمس الصيوف
لاتعذبني والا سرت وتركت المكلا لك اذا مافيك معروف
انت تحفه صاغها الرحمن من احلى التحف
انت في الدنيا قضية ما تحملها ملف
انت احلى اسم في قلبي رباعي الحروف
لاتعذبني والا سرت وتركت المكلا لك اذا مافيك معروف
حبك استولى على قلبي وحملني كلف
حبك احرمني رقادي ما طبق ع العين دف
حب مهما لك وصفته عنه يقصون الوصوف
لاتعذبني والا سرت وتركت المكلا لك اذا مافيك معروف
ليست هناك تعليقات:
إرسال تعليق